Félagsráðgjafi í bráða- og ráðgjafaþjónustu geðsviðs
Spennandi starf fyrir félagsráðgjafa í bráða- og ráðgjafaþjónustu geðsviðs við Hringbraut er laust til umsóknar hjá félagsráðgjafaþjónustu Landspítala. Í bráða- og ráðgjafaþjónustu geðsviðs (áður bráðamóttaka geðþjónustu) ríkir góður starfsandi og starfsemin einkennist af öflugri þverfaglegri teymisvinnu, sjálfsstæði í starfi, stöðugri þróun og fjölbreytni. Á deildinni eru ótalmörg tækifæri til að vaxa í starfi og dýpka þekkingu sína og færni sem félagsráðgjafi. Markviss aðlögun og stuðningur í upphafi starfs.
Starfsemi bráða- og ráðgjafaþjónustunnar er fjórþætt:
- Bráðamóttaka sjúklinga sem eiga við bráð geðræn veikindi að stríða
- Skammtíma eftirfylgd eftir komu í bráðaþjónustu
- Ráðgjafaþjónusta fyrir bráðamóttöku í Fossvogi
- Ráðgjafaþjónusta fyrir legudeildir Landspítala
Til bráða- og ráðgjafaþjónustunnar leita um 3.200 einstaklingar á ári hverju.
Starfshlutfall er 80-100% og er að mestu um dagvinnu að ræða, helgarvakt u.þ.b. sjöttu hverja helgi og eina vakt frá kl. 12-20 á viku. Æskilegt að viðkomandi geti hafið störf sem fyrst eða eftir samkomulagi.
Á Landspítala starfa um 50 félagsráðgjafar sem sinna margþættri þjónustu við sjúklinga á öllum sviðum spítalans. Félagsráðgjafar starfa í nánu samstarfi við annað starfsfólk spítalans og lögð er áhersla á þverfaglega teymisvinnu. Landspítali er fjölskylduvænn vinnustaður og býður upp á heilsueflandi vinnuumhverfi, samgöngusamninga og styttingu vinnuvikunnar.
- Fjölbreytt mats- og meðferðarstarf sem tengist sérhæfingu deildarinnar
- Virk þátttaka í þverfaglegu samstarfi og framþróun í starfsemi deildarinnar
- Virk þátttaka í fræðslustarfi
- Sérverkefni sem tengjast starfi deildarinnar
- Íslenskt starfsleyfi sem félagsráðgjafi
- Áhugi og þekking á félagsráðgjöf á heilbrigðissviði
- Áhugi á stuðningi við fólk með geðrænan vanda
- Sjálfstæð og skipulögð vinnubrögð
- Frumkvæði, framsýni og mjög góð samskiptahæfni
- Stundvísi og áreiðanleiki
- Geta til að vinna undir álagi
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, félagsráðgjafi