Félagsráðgjafi á Landspítala
Leitað er að áhugasömum og metnaðarfullum félagsráðgjafa til starfa á Landspítala. Viðkomandi þarf að búa yfir færni til að vinna að lausnum og hafa metnað til að veita framúrskarandi þjónustu.
Um er að ræða faglega krefjandi störf á spennandi vettvangi fyrir félagsráðgjafa sem hafa áhuga á nýsköpun og framþróun í starfi. Störfin eru við ólíkar einingar innan Landspítala. Starfshlutfall er 80-100% og eru störfin laus samkvæmt samkomulagi.
Meginhlutverkið er að veita sjúklingum og aðstandendum þeirra stuðning til þess að takast á við breytingar sem verða í kjölfar veikinda og afleiðingar þess, kortleggja þjónustuþörf sjúklinga og veita þeim og fjölskyldum þeirra upplýsingar um félagsleg réttindi, aðstoða við útskriftir og tengingar við önnur þjónustukerfi. Áhersla er á stuðning við fjölskyldur, og stuðning við börn sem aðstandendur á grundvelli laga um samþætta þjónustu í þágu farsældar barna. Taka þátt í þróunarverkefnum sem efla þjónustu við sjúklinga og vera í samstarfi við aðra fagaðila sem koma að málum sjúklinga og aðstandenda. Félagsráðgjafi er þátttakandi í samstarfi við ólíkar starfsstéttir spítalans þar sem lögð er áhersla á þverfaglega teymisvinnu, fjölskyldumiðaða nálgun og gagnreynd vinnubrögð. Lögð er áhersla á handleiðslu og tækifæri starfsmanna til sí- og endurmenntunar. Landspítali styður nýútskrifaða félagsráðgjafa í starfi með markvissri handleiðslu og fræðslu, samhliða starfi í formi starfsþróunarárs Landspítala.
Á Landspítala starfa um 50 félagsráðgjafar sem sinna margþættri þjónustu við sjúklinga á mismunandi deildum. Félagsráðgjafar starfa í nánu samstarfi við annað starfsfólk spítalans og lögð er áhersla á þverfaglega teymisvinnu. Landspítali er fjölskylduvænn vinnustaður og býður upp á heilsueflandi vinnuumhverfi, samgöngusamninga og styttingu vinnuvikunnar.
- Aðstoða sjúklinga og aðstandendur við að leita félagslegra réttinda
- Samvinna við aðrar stofnanir í heilbrigðis- og félagsþjónustu
- Fræðsla til sjúklinga, aðstandenda, samstarfsfólks og starfsfólks annarra stofnana
- Stuðningur við sjúklinga og aðstandendur
- Þátttaka í þverfaglegri teymisvinnu
- Milliganga um samþættingu þjónustu í þágu farsældar barna samkvæmt lögum
- Íslenskt starfsleyfi félagsráðgjafa
- Áhugi á félagsráðgjöf á heilbrigðissviði
- Góð samskiptafærni og hæfni til að vinna í teymi
- Reynsla af vinnu með fjölskyldum er kostur
- Reynsla og þekking á félagslegum úrræðum og samstarfi stofnana
- Hugarfar þar sem leitast við að ná stöðugum árangri
- Geta til að vinna undir álagi
- Frumkvæði, framsýni og lausnamiðuð hugsun
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, félagsráðgjafi