Starfsstöðvar öryggis eru við Hringbraut, í Fossvogi, á Landakoti og á Grensási. Deildin sinnir einnig þjónustu við aðra starfsstaði LSH.  Í afgreiðslum öryggisvarða er upplýsingaþjónusta, tekið á móti þjónustubeiðnum ásamt öðrum verkefnum sem öryggisvörðum er falið að sjá um.  Öryggisverðir sinna ýmsum flutningum í samstarfi við deild flutninga.  

Á spítalanum er eftirlitsmyndavélakerfi, rafræn vöktun, sem uppfyllir kröfur Persónuverndar. 

Markmið öryggis á Landspítala

• Markmið er að tryggja öryggi sjúklinga, starfsmanna og annara sem leið eiga um starfsstöðvar og lóðir Landspítala ásamt að veita áreiðanlega þjónustu þar sem lipurð og góð framkoma er aðalsmerki. 
• Sjá um vöktun öryggis- og hússtjórnarkerfa Landspítala, hafa eftirlit með tækjum og búnaði spítalans.
• Annast gæslu húsnæðis LSH, bifreiðastæða, lóða og tryggja að aðkoma viðbragðsaðila sé greið að spítalanum.
• Öryggisverðir taka stjórn og gera viðeigandi ráðstafanir í neyðarástandi þar til náðst hefur í hærra setta stjórnendur.
• Öryggisverðir kunna skil á Viðbragðsáætlun Landspítala, og þekkja hlutverk sín á mismunandi viðbragðsstigum spítalans.  

 

GÆTUM ÖRYGGIS!  Verðmæti á ekki að skilja við sig. Óæskilegt er að geyma verðmæti sýnileg í bílum á bílastæðum.  Ef grunur vaknar um eitthvað óeðlilegt hjá eða á spítalanum, grunsamlegar mannaferðir eða annað slíkt, látið þá öryggisverði eða lögreglu strax vita. Þjófnaði eða önnur atvik sem kunna að koma upp á Landspítala skal tilkynna öryggisvörðum strax eða lögreglu .    Bregðast skal við boðum frá brunaviðvörunarkerfum strax.   Meginreglan er sú að bannað er að vera með kveikt á kertum á spítalanum.