Nýr sviðsstjóri lækninga á kvennasviði

Hildur Harðardóttir yfirlæknir fæðingar- og meðgöngudeildar á LSH verður sviðsstjóri lækninga á kvennasviði frá og með 1. apríl 2007. Hún tekur við starfinu af Reyni Tómasi Geirssyni prófessor sem óskaði eftir því að draga sig í hlé þar sem hann tekur að sér starf aðalritstjóra Acta Obstetricia et Gynecologica Scandinavica, norræns tímarits um kvenlækningar, frá sama tíma. Reynir Tómas verður áfram yfirlæknir á kvennasviði og forstöðumaður fræðasviðsins fæðingar- og kvensjúkdómafræði.
Hulda Hjartardóttir sérfræðilæknir, sem haft hefur umsjá með fósturgreiningardeild, tekur við yfirlæknisstarfi Hildar til eins árs.