starfsmannamyndir.png (545843 bytes)

Hjúkrunarfræðingar - Rjóður

Við leitum eftir hjúkrunarfræðingum til starfa í Rjóðri sem staðsett er á lóð LSH í Kópavogi. Um er að ræða 1,8 stöðugildi sem skipta má niður á 2-3 störf. Starfshlutfall er 60-100%, unnið er í vaktavinnu og er ráðið í störfin frá 12. febrúar 2018 eða eftir nánara samkomulagi.

Rjóðrið er hvíldar- og endurhæfingarheimili fyrir langveik börn. Þar starfa tæplega 30 manns. Starfsemi Rjóðurs gefur börnum með ólæknandi sjúkdóma möguleika á að dvelja reglulega í öruggu umhverfi þar sem þau njóta umönnunar hjúkrunarmenntaðs fagfólks.

Helstu verkefni og ábyrgð

» Hjúkrun langveikra barna sem koma í hvíldarinnlagnir og endurhæfingu
» Samstarf við Barnaspítala Hringsins
» Fjölskylduhjúkrun

Hæfnikröfur

» Áhugi og hæfni til að starfa í teymi
» Faglegur metnaður og frumkvæði í starfi
» Góð hæfni í mannlegum samskiptum
» Reynsla í hjúkrun barna er æskileg
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60 - 100%
Umsóknarfrestur er til og með 29.01.2018

Nánari upplýsingar veitir

Guðrún Ragnars, gudrunra@landspitali.is, 543 9260

LSH Rjóður
Kópavogsbraut 5-7
200 Kópavogur

Til baka í störf