Heilbrigðisgagnafræðingur - Öldrunarlækningar
Við viljum ráða heilbrigðisgagnafræðing til starfa sem hefur áhuga á fjölbreyttu og krefjandi starfi í þverfaglegu umhverfi öldrunarlækninga á Landspítala. Við öldrunarlækningar starfa samhent teymi starfsfólks sem veita heilbrigðisþjónustu allan sólarhringinn.
Leitum eftir metnaðarfullum einstaklingi sem er lausnamiðaður, þjónustulipur, með góða samskiptahæfni og sem á auðvelt með að vinna í teymi.
Starfið er dagvinnustarf, starfshlutfall 50-100% og er starfið laust frá 1. nóbember 2024.
- Ábyrgð á daglegum viðfangsefnum samkvæmt verklagi
- Sérhæfð skrifstofustörf, upplýsingagjöf, gæðaskráning, frágangur gagna og gagnavinnsla í tölvukerfum Landspítala
- Önnur verkefni í samráði við yfirlækni
- Íslenskt starfsleyfi sem heilbrigðisgagnafræðingur
- Jákvætt viðmót, þjónustulipurð, sveigjanleiki og afburða samskiptahæfni
- Skipulögð vinnubrögð, sjálfstæði í starfi og geta til að vinna undir álagi
- Góð íslensku- og enskukunnátta
- Góð tölvukunnátta
- Þekking á Sögu og klínískum kerfum Landspítala er kostur
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.