Netstjóri
Landspítali óskar eftir að ráða til sín netstjóra í innviða- og rekstrarhóp stafrænnar framþróunar þróunarsviðs. Á Landspítala er rekið eitt stærsta og flóknasta innviðaumhverfi á Íslandi með háa uppitímakröfu, enda er ein mikilvægasta þjónusta landsins undir.
Um er að ræða krefjandi og skemmtilegt starf fyrir öflugan einstakling sem er viljugur til að læra og tileinka sér nýjungar.
- Rekstur, viðhald, og uppbygging á net- og fjarskiptaumhverfi Landspítala
- Rekstur, viðhald, og uppbygging á vélasölum og kerfisrýmum
- Eftirlit og afgreiðsla beiðna
- Þátttaka í verkefnum innviða- og rekstrarhóps
- Aðkoma að forsendum og hönnun á nýjum byggingum Landspítala í samstarfi við NLSH
- Samskipti við ytri þjónustuaðila, birgja, eftirlitsaðila, samstarfsaðila, o.fl.
- Drifkraftur og vilji til að takast á við stór og skemmtileg verkefni
- Vilji til að tileinka sér nýjungar
- Geta til að vinna vel í hóp en einnig til að vinna sjálfstætt
- Geta til að tjá sig í ræðu og riti bæði á íslensku og ensku
- Vottun á sviði net- og netöryggismála er kostur
- Þekking á Cisco og/eða Fortinet búnaði er kostur
- Þekking á símkerfum og uppbyggingu þeirra er kostur
- Þekking á þráðlausum netum og uppbyggingu þeirra er kostur
- Þekking á rafmagnskerfum og uppbyggingu þeirra er kostur
- Háskólamenntun sem nýtist í starfi er kostur en ekki nauðsyn
- Þriggja ára reynsla af rekstri netkerfa
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, netstjóri, upplýsingatækni, tölvunarfræði, upplýsingatækni