Deildarlæknar tímabundið starf á BUGL
Lausar eru til umsóknar tvær stöður deildarlækna á BUGL. Um tímabundið starf til eins árs er að ræða. Starfið veitist frá miðjum október 2024 eða eftir nánara samkomulagi.
Unnið er í náinni samvinnu við sérfræðilækna í barna- og unglingageðlækningum og felur starfið í sér þverfaglega teymisvinnu með öðrum sérgreinum læknisfræðinnar, s.s. barnalækningum og bráðalækningum sem og samvinnu við aðrar starfsstéttir sem sinna sjúklingum á BUGL.
Starfið nýtist afar vel þeim sem hafa hug á frekara sérnámi í bæði barna- og unglingageðlækningum og barnalækningum. Einnig er lagður grunnur að klínískri færni þar sem starfið á deildinni er mjög fjölbreytt.
Starfsumhverfið á deildum BUGL er lærdómsmiðað. Starfið er mjög fjölbreytt og mun læknirinn fá sérstaka starfslýsingu og skipulagða handleiðslu sérfræðilæknis eða reyndra sérnámslækna. Fagleg árvekni og endurskoðun klínískra leiðbeininga og verkferla er hluti af fagmennsku starfseininganna. Vinnulagið á deildinni byggir á samvinnu ólíkra starfsstétta með það að markmiði að gera meðferð og þjónustu, framsækna og skilvirka.
- Meðferð og þjónusta við sjúklinga í göngudeild BUGL
- Þátttaka í greiningarteymi og meðferðarteymum
- Vinna fer fram í transteymi, átröskunarteymi og taugateymi BUGL
- Þátttaka í þverfaglegri samvinnu og samráðsfundum
- Almennt íslenskt lækningaleyfi
- Sérnámsgrunni eða sambærilegu starfsnámi lokið við upphaf starfs
- Góð færni og lipurð í mannlegum samskiptum og teymisvinnu
- Öguð vinnubrögð
- Áhugi á að bæta sig í faglegu klínísku umhverfi
- Gott vald á íslensku máli
Frekari upplýsingar um starfið
Í umsóknarformið skal skrá inn upplýsingar um:
- Fyrri störf, menntun og hæfni
- Félagsstörf
- Mögulega umsagnaraðila
Nauðsynleg fylgiskjöl:
- Starfsferilsskrá
- Vottað afrit af prófskírteini og starfsleyfi
Ákvörðun um ráðningu byggist á innsendum gögnum og viðtölum eftir því sem við á. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, læknir með lækningaleyfi