Vélfræðingur
Rekstrar- og mannauðssvið Landspítala auglýsir laust til umsóknar fullt starf vélfræðings á vélaverkstæði sem tilheyrir tæknideild Landspítala.
Verkefni vélfræðings á Landspítala eru fjölbreytt og gefandi og oft unnin við aðstæður sem markast af þeirri þjónustu sem Landspítali veitir. Vélaverkstæði Landspítala ber ábyrgð á rekstri margra tæknikerfa Landspítala, svo sem loftræstikerfum, lyftum, lyfjaloftskerfum, kælikerfum o.fl. ásamt því að sinna viðhaldi ýmiss búnaðar. Leitað er eftir sjálfstæðum einstaklingi sem býr yfir lipurð í mannlegum samskiptum.
Starfshlutfall er 100% og er starfið laust samkvæmt samkomulagi.
- Viðhald/eftirlit með tæknikerfum Landspítala
- Dagleg þjónusta við deildir Landspítala
- Bakvaktaþjónusta vélaverkstæðis
- Þátttaka í gæða- og umbótastarfi
- Önnur tilfallandi verkefni í samráði við teymisstjóra
- Menntun í vélfræði
- Reynsla af hússtjórnarkerfum
- Reynsla af rekstri varavéla og gufukatla kostur
- Frumkvæði og sjálfstæð vinnubrögð
- Góð tölvukunnátta
- Lipurð í mannlegum samskiptum
- Reynsla af viðhaldsforritum
- Góð íslenskukunnátta
- Ökuréttindi
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Tungumálakunnátta: Íslenska 4/5, enska 3/5
Starfsmerkingar: Iðnaðarstörf, vélfræðingur, verkstæði