Leit
Loka

Næringarstofa

Næringarmeðferð er veitt skjólstæðingum á göngu- og legudeildum spítalans.

Banner mynd fyrir  Næringarstofa

Hafðu samband

OPIÐ8-16

Næringarstofa - mynd

Hér erum við

Eiríksgata 29, Reykjavík

Hagnýtar upplýsingar

Sýna allt

Starfsmenn næringarstofu veita næringarráðgjöf til skjólstæðinga spítalans og starfa við kennslu og rannsóknir í næringarfræði.

Skrifstofan er opin virka daga frá kl. 8:00 til 16:00.

Starfsemi næringarstofu skiptist í:

  • Næringarráðgjöf
  • Fræðslu og kennslu
  • Rannsóknir

Forstöðumaður næringarstofu er Ingibjörg Gunnarsdóttir 

Næringarfræði er sjálfstæð vísindagrein sem fjallar um hlutverk næringarefna í líkamanum og tengsl mataræðis og heilsu. Til að auka þekkingu í næringarfræði þarf þverfaglega nálgun og beitir greinin margs konar aðferðum.

Aðferðir næringarfræðinnar geta til dæmis verið:

  • klínískar
  • faraldsfræðilegar
  • í sumum tilfellum tilraunir

Næringarfræði er heilbrigðisvísindagrein sem tengist raungreinum og greinum sem byggja á lýðheilsufræði.

Í næringarfræði tengjast því raunvísindi og heilbrigðisvísindi við þekkingu á menningu og félagslegum aðstæðum, eins og fjölskyldubundnum og samfélagslegum þáttum, iðnaði og markaði.

Næringarmeðferð er veitt skjólstæðingum á göngu- og legudeildum spítalans.

Beiðnir um næringarráðgjöf koma frá læknum og hjúkrunarfræðingum.

Næringarráðgjafar veita meðferð um mataræði miðað við sjúkdómsástand og næringarástand.

Starfsmenn stunda einnig fræðslu og kennslustörf.

Fjöldi fyrirlestra er haldinn fyrir sjúklinga, aðstandendur og starfsmenn. 


Ábendingar um sjúkdóma þar sem þörf gæti verið fyrir næringarráðgjöf:

  • Krabbamein
  • Skurðaðgerð á meltingarvegi
  • Sykursýki
  • Meltingarfærasjúkdómar
  • Nýrnasjúkdómar
  • Vanþrif
  • Vannæring
  • Ofnæmi
  • Hjarta- og æðasjúkdómar
  • Átröskun
  • Offita
  • Efnaskiptasjúkdómar
  • Erfið meðganga
  • ofl.

Markmið næringarráðgjafar er að veita skjólstæðingum LSH góða þjónustu sem ávallt byggir á nýjustu fagþekkingu hverju sinni. Góð næring er hluti meðferðar þar sem gott næringarástand flýtir fyrir bata og minnkar líkur á sýkingum.

Klínískur deildarstjóri er Svava Engilbertsdóttir

Næringarráðgjafar næringarstofu

Aníta Sif  - Hvíta bandið     
Bertha M  - Öldrun/Nýrnadeild
Brynhildur - Almenn lyf/Grensás           
Erna P - Hjartadeildir
Gisela  - Barnadeildir
Guðlaug - Taugalækningadeildir
Kolbrún - Ofnæmi/Nýrnadeild
Edda - Sykursýki
Rannveig - Krabbamein/göngudeild
Sigríður- Barnadeildir
Svava - Melting/skurðdeild
Thelma Rut - Krabbamein/skurðdeild                

Starfsmenn næringarstofu LSH veita fræðslu í næringarfræði (almennri og klínískri) til sjúklinga, aðstandenda og starfsfólks. Þá sjá þeir um kennslu í greininni við HÍ og LSH byggða á niðurstöðum rannsókna í greininni hverju sinni.

Næringarráðgjafar útbúa fræðsluefni og bæklinga og einstaklingsbundnar ráðleggingar fyrir skjólstæðinga.

Tilgangur fræðslu næringarstofu LSH er að nýta þekkingu í næringarfræði til að stuðla að bættri heilsu og líðan í þjóðfélaginu og koma í veg fyrir rangfærslur í greininni.

Klínísk kennsla

Nemar í næringarfræði við HÍ fá kennslu í klínískri vinnu á næringarstofu LSH og taka þátt í daglegum störfum við næringarráðgjöf og næringarrannsóknir.

Klínískur kennslustjóri er Kolbrún Einarsdóttir

Rannsóknastofa í næringarfræði (RÍN) tók til starfa í september 1997 að frumkvæði Ingu Þórsdóttur prófessors sem veitti stofunni forstöðu frá upphafi þar til 1. júní 2013.

RÍN tilheyrir Landspítala og Háskóla Íslands.

Aðstaða er á Landspítala Hringbraut í Reykjavík og RÍN deilir aðstöðu með næringarstofu Landspítala.  

  • Markmið Rannsóknarstofu í næringarfræði (RÍN) við Landspítala og Háskóla Íslands er að gera framúrskarandi rannsóknir á sviði næringarfræði
  • Tilgangur rannsóknanna er að auka þekkingu næringarfræðinnar fyrir vísindasamfélagið, innanlands og erlendis, og alla aðra sem nýta þekkingu fræðigreinarinnar.
  • Með þessu vill RÍN stuðla að góðum neysluvenjum og næringarástandi meðal fólks á öllum aldri, heilbrigðra og sjúkra, til þess að auka lýðheilsu og lífsgæði og koma í veg fyrir og meðhöndla heilsubrest.

Rannsóknir á mataræði og heilsu barna eru fyrirferðamestar á RÍN en á rannsóknastofunni eru einu rannsóknirnar á þessu sviði á landinu. Þessar rannsóknir hafa einnig tengst samstarfsverkefnum.

RÍN gerir einnig rannsóknir á mataræði og heilsu annarra aldurshópa; barna, unglinga, aldraðra ásamt mataræði þungaðra kvenna.

Forstöðumaður RÍN er Ingibjörg Gunnarsdóttir, prófessor

Rannsóknastofa í næringarfræði
Landspítali
Eiríksgata 29
101 Reykjavík

Sími: 543 8410 
Fax: 543 4824

Sjúklingafræðsla