Aðstoðardeildarstjóri hjúkrunar á endurhæfingardeild K1 Landakoti
Leita eftir kraftmiklum hjúkrunarfræðingi í starf aðstoðardeildarstjóra hjúkrunar á endurhæfingardeild K1 á Landakoti. Viðkomandi þarf að búa yfir afburða samskiptahæfni og hæfni til að takast á við breytingar. Starfshlutfall er 100% og er starfið laust 1. ágúst 2024 eða samkvæmt nánara samkomuagi.
Endurhæfingardeild K1 er spennandi vinnustaður þar sem unnið er náið með sjúklingum og aðstandendum. Á deildinni fer fram meðferð og endurhæfing okkar eldri borgara. Sjúklingar koma til framhaldsmeðferðar og endurhæfingar frá bráðadeildum spítalans. Starfið felur í sér mikla teymisvinnu þar sem unnið er í góðu samstarfi við aðra fagmenn sem koma að meðferð og endurhæfingu sjúklinga innan og utan spítalans.
Á deildinni starfa tæplega 50 starfsmenn. Boðið er upp á góðan starfsanda á nýuppgerðri deild. Mikil tækifæri eru til vaxtar í starfi og þátttöku í umbótastörfum og því spennandi vettvangur fyrir hjúkrunarfræðinga. Starfið felur í sér fjölbreytta hjúkrun og boðið er upp á ítarlega þjálfun fyrir nýtt starfsfólk.
Aðallega er um að ræða dagvaktir en möguleiki er á að semja um kvöldvaktir. Unnin er fjórða hver helgi.
- Vinnur í samráði við hjúkrunardeildarstjóra að skipulagningu á starfsemi deildar og mótun liðsheildar
- Ber ábyrgð á verkefnum sem hjúkrunardeildarstjóri felur honum
- Ber ábyrgð á framkvæmd hjúkrunar, rekstri og mönnun deildar í fjarveru deildarstjóra
- Er leiðandi í klínísku starfi, öryggis- og gæðastarfi sem og öðru umbótastarfi sem stuðlar að bættri þjónustu og framþróun í hjúkrun
- Leiðir umbótaverkefni og teymisvinnu deildar
- Heldur utan um verknám hjúkrunarnema á deild
- Alhliða hjúkrun og samstarf við sjúklinga og fjölskyldur
- Íslenskt hjúkrunarleyfi
- Góð íslenskukunnátta
- Starfsreynsla sem hjúkrunarfræðingur
- Sýn og hæfni til að leiða faglega þróun hjúkrunar og gæða- og öryggismál
- Hæfileiki til þverfaglegrar teymisvinnu og sjálfstæði í starfi
- Sveigjanleiki og góð aðlögunarhæfni
- Mjög góð hæfni í samskiptum og jákvætt viðmót
- Frumkvæði og metnaður til að ná árangri
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri hjúkrun, hjúkrun, stjórnun