Upplýsingar um hvernig sótt er um súrefnismeðferð

Súrefnisþjónustan er starfrækt á Göngudeild lyflækninga A3 á LSH í Fossvogi.

Umsóknir eru metnar hverju sinni á grundvelli innsendra upplýsinga. Súrefnismeðferð er fyrst og fremst ætluð sjúklingum sem hafa súrefnismettun undir 90% og pO2 <55mmHg án viðbótarsúrefnis.

Æskilegt er að álit lungnalæknis liggi fyrir. Sjúklingur þarf að hafa verið reyklaus í að minnsta kosti 3 mánuði. Nauðsynlegt er að endurmeta súrefnismeðferð þremur mánuðum eftir að hún hefst.

Umsókn um súrefnismeðferð er fyllt út í Heilsugátt

Ef viðkomandi er ekki með aðgang að heilsugátt er hægt að senda tilvísun milli stofnana á Göngudeild Lyflækninga A3. 

Afgreiðsla umsókna ásamt afhendingu búnaðar tekur u.þ.b. 2 daga. Ef sérstakar aðstæður krefja er hægt að hraða afgreiðslu einstakra mála, með því að hafa samband við súrefnisþjónustuna í síma 543-6040

Kveðja
Starfsfólk Súrefnisþjónustunnar