Landspitali.is

Hlutverk og markmið

Hlutverk Heilbrigðisvísindabókasafns Landspítala og Háskóla Íslands er að vera klínískt og fræðilegt bókasafn sem þjónar starfsfólki Landspítala og nemendum og kennurum Heilbrigðisvísindasviðs Háskóla Íslands.

Markmið Heilbrigðisvísindabókasafns LSH og HÍ er að veita starfsmönnum LSH sem og nemendum og kennurum við Heilbrigðisvísindasvið HÍ aðgang að þeim vísindalegu og klínísku upplýsingum og þekkingu sem þeir þurfa í námi og starfi og sinna kennslu og þjálfun í notkun safngagna.

Heilbrigðisvísindabókasafnið er öllum opið sem nýta vilja safnkost þess sem er nánast að öllu leyti rafrænn.

Heilbrigðisvísindabókasafn LSH & HÍ heyrir undir Skrifstofu vísinda sem varð til í skipulagsbreytingum 1. apríl 2024 og heyrir beint undir forstjóra Landspítala.

Heilbrigðisvísindabókasafn LSH og HÍ varð hluti Vísindadeildar við skipulagsbreytingar um áramótin 2012/2013.

Heilbrigðisvísindabókasafn LSH varð deild á Vísinda- mennta- og nýsköpunarsviði (VMN) við skipulagsbreytingar á Landspítala vorið 2011.

Bókasafns- og upplýsingasvið LSH varð til 1. ágúst 2001 með sameiningu bókasafna Landspítalans, Geðdeildar Landspítala, Sjúkrahúss Reykjavíkur og Landakots ásamt starfsemi gagnasmiðju Landspítalans.

Staðsetning og opnunartími

Heilbrigðisvísindabókasafn LSH & HÍ er í Eirbergi v/Eiríksgötu, 1. hæð.

Landspítala v/Hringbraut.

Bókasafnið er opið mánudaga til föstudaga frá kl. 8 til 16.

Sími: 5431450

Netfang: bokasafn@landspitali.is