Öldrunarlækningadeild K2

Aðsetur: á 2. hæð á Landakoti 

Símanúmer: 543 9690

Heimsóknartími: Virka daga er heimsóknartími kl. 15:00-19:30 og kl. 14:30-19:30 um helgar.

Hjúkrunardeildarstjóri er Jóhanna Friðriksdóttir johannaf@landspitali.is

Læknir er: Jón Eyjólfur Jónsson, sérfræðingur í öldrunarlækningum

K-2/Öldrunarlækningadeild B ( á 2. hæð á Landakoti ). 

• Deildin er ætluð sjúklingum sem þurfa á frekari endurhæfingu og/eða læknismeðferð að halda eftir bráð veikindi. Deildin þjónar flestum bráðadeildum spítalans.
• Öldrunarlæknar á Landspítala eru ráðgefandi um hvort þetta úrræði eigi við.
• Flestir sjúklinganna búa við fjölþættan heilsufarsvanda og eru farnir að tapa færni og eða eru með einhver félagsleg vandamál sem þarf að leysa.
• Á deildinni starfar teymi starfsfólks úr mörgum fagstéttum. Læknar, hjúkrunarfræðingar, sjúkraliðar, sjúkraþjálfarar, iðjuþjálfar, næringarráðgjafi og félagsráðgjafi. Auk þess sem leitað er til fleiri stoðstétta þegar það á við, t.d. talmeinafræðinga, sálfræðinga og presta.
• Ef þörf er á frekari rannsóknum, t.d. myndgreiningu/röntgenmynd/sneiðmynd, eru sjúklingar sendir í slíkar rannsóknir. Læknar Landakots leita ráðgjafar frá öðrum sérfræðingum á Landspítala eftir þörfum.
• Meðallegutími er um 4-6 vikur. Stundum styttri eða lengri, allt eftir eðli veikinda.
• Þar sem flestir sjúklingar á K-2 eru með fleiri en einn undirliggjandi sjúkdóm, kemur fyrir að þeir veikjast aftur eftir komu á deildina. Það getur haft áhrif á framvindu endurhæfingar og seinkað útskrift.
• Sjúklingar eru hvattir til að vera á fótum eins og þeir treysta sér til, borða í matsal og klæðast eigin fötum.
• Gert er ráð fyrir að sjúklingar taki þátt í sjúkra- og iðjuþjálfun eftir getu.
• Markmiðið er að útskrifa sjúklinga heim eftir dvölina á K-2 með viðeigandi þjónustu.
• Ef sjúklingar geta ekki útskrifast heim sökum heilsubrests og/eða færniskerðingar, þrátt fyrir endurhæfingu og meðferð á deildinni, er unnið að því, í samvinnu við sjúkling og fjölskyldu hans, að gera færni- og heilsumat sem jafnframt er umsókn um hjúkrunarheimili.
• Ef sjúklingur fær umsókn á hjúkrunarheimili samþykkta, velur hann sér hjúkrunarheimili sem hann vill dvelja á. Mælt er með að sjúklingur velji a.m.k. 3 heimili.
• Landspítali er með biðpláss á L-3 á Landakoti og einnig er biðdeild á Vífilsstöðum. Vífilsstaðir eru reknir af Heilsuvernd.
• Önnur biðpláss eru á hjúkrunarheimilinu Móbergi á Selfossi (sem tekið var í notkun 2022 og þar er aðstaða mjög góð) og á hjúkrunarheimilinu Brákarhlíð í Borgarnesi, sem er EDEN vottað heimili, www.edeniceland.org. Þá eru stundum í boði biðpláss á hjúkrunarheimilum í Reykjavík, pláss sem áður voru nýtt fyrir hvíldarinnlagnir.
  
  

• Dagbók sjúklings