Vistvæn innkaup Landspítala

Vistvæn innkaup Landspítala

Landspítali skal vera til fyrirmyndar í umhverfismálum, vinna stöðugt að úrbótum í umhverfisstarfi sínu[1]. Landspítali fylgir stefnu ríkisins um sjálfbær innkaup þar sem segir að vistvæn innkaup ríkisaðila séu almenn regla[2]. Áherslur Landspítala eru á að:

  • Keyptar vörur og þjónusta sem hafa sem minnst umhverfisáhrif og lægstan líftímakostnað.
  • Minnkuð sóun á magnvörum, m.a. einnota vörum.
  • Umhverfisáhrifum haldið í lágmarki vegna notkunar á varasömum efnum, lyfjum og lyfjagösum.
  • Dregið úr myndun úrgangs og endurvinnsla og endurnýting aukin.

Sértækari innkaupakröfur

Landspítali setur umhverfiskröfur í öllum innkaupum þar sem hægt er. Áhersla er á að kaupa vörur sem:

  1. Eru umhverfismerktar (tegund 1) ef í boði á markaði.
  2. Innihalda ekki hættuleg efni fyrir heilsu og umhverfi samkvæmt evrópskum lista yfir efni sem skal fasa út í heilbrigðisþjónustu[3]
    1. Efni (yfir 0,1% af þyngd) á kandidatslista ESB[4] (efni sem eru sterklega grunuð um að hafa alvarleg áhrif á heilsu og umhverfi). Efni á listanum ættu ekki að vera í vörum Landspítala nema að annað sé ekki í boði.
    2. Efni sem valda krabbameini, stökkbreytingum eða hafa æxlunarhemjandi áhrif (CMR fl 1A eða 1B)
    3. Polyvinylklóríð (PVC)
    4. Þalöt
    5. Bísfenól A (BPA)
    6. Eldhemjandi efni
    7. Sýkingahemjandi efni (antimicrobial agents)
    8. Per- og polyflúoralkyl efni (PFAS)
  3. Uppfylla Norrænar kröfur um vistvænni umbúðir[5]:
  • Minni úrgangur vegna umbúða
  • Umbúðir séu hannaðar fyrir endurvinnslu
  • Umbúðir séu úr endurunnu efni eða frá sjálfbærum uppsprettum

Meta þarf hverju sinni hvaða kröfur eru viðeigandi.

Landspítali á von á góðri samvinnu við birgja og þjónustuaðila.