Skipulagsbreytingar á slysa- og bráðasviði

Breytingar á slysa- og bráðasviði 1. nóvember 2005 miða að því að efla bráðalækningar á sjúkrahúsinu til framtíðar. Jón Baldursson hefur verið fenginn til þess og að verða yfirlæknir utanspítalaþjónustu slysa- og bráðasviðs. Ófeigur Þorgeirsson tekur við af honum sem yfirlæknir slysa- og bráðadeildar. Til hagræðingar á slysa- og bráðasviði hefur einnig verið ákveðið að fylgja því fast eftir að sjúklingar séu að hámarki einn sólarhring á gæsludeild og fækka rúmum þar úr 12 í 8.

• 02.11.2005

BráðaþjónustaForsíðufréttirLækningarForsíðufréttirBráðaþjónustaSlysa- og bráðasvið

Breytingar urðu 1. nóvember 2005 á slysa- og bráðasviði á Landspítala - háskólasjúkrahúsi sem miða að því að efla bráðalækningar á sjúkrahúsinu til framtíðar og hagræða í starfseminni.

Lögð verður áhersla á að þróa og efla bráðlækningar á LSH næstu árin til þess að bráðalækningar á LSH standi sem best þegar öll bráðamóttökustarfsemi flytur á einn stað á nýjum spítala. Fáir hafa lagt bráðalækningar fyrir sig og verður nú gert átak í því að hvetja unglækna til slíks náms enda er þörfin brýn nú þegar og til framtíðar litið.

		Jón Baldursson, sem verið hefur yfirlæknir slysa- og bráðadeildar, hefur verið fenginn til þess að vinna að jákvæðri þróun í bráðalækningum. Í því felst meðal annars aukin kennsla unglækna, læknanema og að vinna að meiri samskiptum við útlönd með bráðalækningar í huga. Hann verður einnig yfirlæknir umfangsmikillar þjónustu slysa- og bráðasviðs utan spítalans sem felur í sér læknisfræðilega ábyrgð af hálfu LSH á öllum sjúkraflutningum höfuðborgarsvæðisins, sem eru um það bil 20 þúsund á ári, einnig á sjúkraþyrluflugi og Neyðarlínunni. Jón lærði bráðalækningar í Cincinatti í Bandaríkjunum. Hann var fyrsti læknir á Íslandi sem hlaut þá sérfræðiviðurkenningu og fyrsti læknir sem starfar sem bráðalæknir hér á landi.
		Ófeigur Þorgeirsson sérfræðingur í heimilis- og almennum lyflækningum verður yfirlæknir slysa- og bráðadeildar en hann hefur verið yfirlæknir gæsludeildar og ábyrgur fyrir bráðavaktinni í Fossvogi.
		Honum til aðstoðar verða
		Elísabet Benedikz sem verður aðstoðaryfirlæknir á gæsludeildinni og eitrunarmiðstöðinni og
		Ólafur Ingimarsson sem verður aðstoðaryfirlæknir á gönguvaktinni.

		Kristín Sigurðardóttir bráðalæknir og fræðslustjóri slysa- og bráðasviðs og
		Bára Benediktsdóttir hjúkrunarfræðingur.
		Anna María Þórðardóttir hjúkrunarfræðingur er gæðastjóri slysa- og bráðasviðs. Hún mun, í samstarfi við aðra innan spítalans, leggja m.a. vaxandi áherslu á að vinna að bættum verkferlum í starfsemi sviðsins, þar á meðal hvað varðar sjúklingaflæði, skráningar, gæðamál og fleira.