Árituð Manchester United treyja á Barnaspítala Hringsins.

Stuðningsmannaklúbbur Manchester United á Íslandi færði Barnaspítala Hringsins fyrir nokkru áritaða keppnistreyju. Á treyjuna eru rituð nöfn allra leikmanna liðsins á núverandi keppnistímabili. Stuðningsmenn þess á Íslandi fengu treyjuna frá félaginu með þetta ágæta markmið í huga.

Stjórnarmenn í stuðningsmannaklúbbi Manchester United á Íslandi fengu ábendingu þess efnis að áritaðar treyjur frá Chelsea og Liverpool færu í unglingaherbergi Barnaspítalans. Þeir brugðust því hratt og örugglega við og færðu Barnaspítalanum áritaða treyju Manchester United liðsins, innrammaða og tilbúna til uppsetningar.

Treyjunni hefur verið komið fyrir í unglingaherbergi Barnaspítalans.
Barnaspítali Hringsins kann þeim félögum bestu þakkir fyrir.