Fjörgyn með eina og hálfa milljón til BUGL

Lionsklúbburinn Fjörgyn hefur fært barna- og unglingageðdeild BUGL tæpa eina og hálfa milljón króna sem var afrakstur stórtónleika í Grafarvogskirkju 10. nóvember 2005.

Þar skemmti fjöldi landskunnra listamanna og mörg fyrirtæki lögðu góðu málefni lið. Þetta framlag kemur sér vel í nýbyggingarsjóðinn sem stækkar stöðugt þótt enn vanti nokkuð á að hægt sé að taka skóflustungu að nýju göngudeildarhúsi.

Fjörgyn hefur haldið alls þrenna slíka stórtónleika á síðustu þremur árum til styrktar BUGL og þannig safnað tæplega 3,8 milljónum króna.