Árleg uppskeruhátíð vísinda á Landspítala, Vísindi á vordögum, verður miðvikudaginn 28. apríl 2021.
Formleg dagskrá verður í Hringsal á Landspítala Hringbraut milli kl. 13:00 og 15:30 en vegna COVID-19 verður henni streymt beint.
Opnaður hefur verið ársskýrsluvefurinn „Vísindi á vordögum 2021“ á vef Landspítala. Þar er dregnar saman upplýsingar í texta, tölum, myndum og myndskeiðum um vísindastarfið á Landspítala árið 2020 ásamt því sem tengist Vísindum á vordögum 2021, þar á meðal um útnefningu heiðursvísindamanns og ungs vísindamanns spítalans, verðlaunaveitingar og styrkveitingar. Þar er einnig að finna ávörp yfirlæknis vísindadeildar og formanns vísindaráðs.