Leit
Loka

Frá farsóttanefnd um stöðuna í COVID á Landspítala 6. mars - Sjúklingar með COVID á 15 deildum

Frá farsóttanefnd um stöðuna í COVID á Landspítala 6. mars - Sjúklingar með COVID á 15 deildum

Landspítali er á neyðarstigi

Í dag liggja 55 sjúklingar með COVID á Landspítala, 48 í einangrun. 4 eru á gjörgæslu, allir í öndunarvél og einangrun. Sjúklingar með COVID eru nú á 15 deildum, 5 bættust í hópinn í gær og 7 fóru úr honum.
Starfsfólk í einangrun eru 252 talsins.

Útbreiðsla smits í landinu er mikil sem endurspeglast í fjölda þeirra deilda á Landspítala þar sem sjúklingar eru með COVID sem og fjölda þeirra heilbrigðisstofnana um landið sem glíma við verkefnið.

Talnaupplýsingar um stöðuna á spítalanum eru birtar á www.landspitali.is. 

  • Landspítali beinir því til almennings að hringja ekki á deildir spítalans í leit að upplýsingum um viðbrögð vegna COVID-19. Bent er á símanúmerið 513 1700 þar sem er netspjall Heilsuveru með upplýsingum og ráðgjöf um COVID-19. Upplýsingar er einnig að fá á vefjum Landspítala, Embættis landlæknis og á www.covid.is. 
  • Minnt er á að Landspítali er á neyðarstigi og af þeim sökum eru enn í gildi umfangsmiklar sýkingavarnir á spítalanum, þar á meðal er algjör grímuskylda og heimsóknarbann nema með sérstökum undantekningum.