Árið 2024 voru skráð 3.223 símtöl í eitrunarsímann. Tæpur helmingur fyrirspurnanna sneri að lyfjaeitrunum. Þetta kemur fram í ársskýrslu Eitrunarmiðstöðvar.
Hægt er að nálgast skýrsluna á vef Eitrunarmiðstöðvar.
Eitrunarmiðstöð Landspítala er starfrækt á Landspítala í Fossvogi. Eitt af helstu hlutverkum miðstöðvarinnar er að veita upplýsingar um eiturefni og ráðgjöf um viðbrögð og meðferð þegar eitranir verða. Símanúmerið er 543 2222 .
Klínískir lyfjafræðingar svara í síma frá kl. 08-20 og bráðamóttakan þess á milli. Eitrunarsíminn er opinn fyrir alla, allan sólarhringinn, allt árið um kring.