Þema dagsins var Hvar liggja tækifærin í öldrunarþjónustu? og var lögð áhersla á mikilvægi þverfaglegrar samvinnu, þróun nýrra lausna og nýtingu tækifæra í öldrunarþjónustu.
Ráðstefnan var afar vel sótt með um 200 þátttakendum og var uppselt á viðburðinn. Þverfagleg erindi voru flutt af heilbrigðisstarfsmönnum frá öllum þjónustustigum öldrunarþjónustu, bæði frá höfuðborgarsvæðinu og landsbyggðinni.
Aðalfyrirlestrar dagsins voru Tækifæri í öldrunarþjónustu og Framtíð heimaþjónustunnar – Áskoranir og tækifæri.
Erindin voru mjög fjölbreytt og fjölluðu meðal annars um tækifæri í öldrunarþjónustu, nýjungar í heimaþjónustu fyrir aldraða , öldrunarmat, þjálfun aldraðra, snjallar rafrænar lausnir í heimaþjónustu, fjarþjálfun fyrir eldri borgara og nýjungar í meðferð og viðhorfum til aldraðra.
Viðburðurinn tókst afar vel og undirstrikaði þau fjölmörgu tækifæri sem eru til staðar í öldrunarþjónustu á Íslandi.
Ljósmyndari Landspítala mætti á staðinn og smellti af nokkrum myndum.