Starfsmaður í býtibúr á öldrunarlækningadeild K2 Landakoti
Auglýst er eftir jákvæðum og þjónustulunduðum einstaklingi til starfa í býtibúr á öldrunarlækningadeild K2 Landakoti. Starfshlutfall er 100% og viðkomandi þarf að getað hafið störf sem fyrst eða eftir samkomulagi.
Öldrunarlækningadeild K2 Landakoti er 16 rúma meðferðar- og endurhæfingardeild fyrir sjúklinga sem koma frá bráðadeildum Landspítala. Á deildinni starfa um 40 einstaklingar í þverfaglegu teymi. Markvisst er unnið að umbótum í starfi og umhverfi og höfum við lagt áherslu á byltuvarnir, sýkingavarnir og fyrirbyggingu lyfjaatvika.
Lögð er áhersla á jákvæðni, fagmennsku og virðingu gagnvart samstarfsfólki og vinnustaðnum okkar. Velkomið að kíkja í heimsókn, áhugasamir hafi samband við Jóhönnu, deildarstjóra.
- Starf í býtibúri
- Aðstoð við máltíðir sjúklinga
- Pantanir og frágangur á vörum
- Önnur tilfallandi störf í samráði við deildarstjóra
- Góð íslensku- og enskukunnátta
- Góð samskiptahæfni
- Sjálfstæði, skipulögð og öguð vinnubrögð
- Tekur þátt í teymisvinnu
- Lágmarksaldur umsækjenda er 18 ár
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfii. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, starfsmaður,
Starfsmerkingar: Heilbrigðisþjónusta, Þjónustustörf, almenn störf, eldhússtörf, starfsmaður