Hjúkrunarfræðingur - Spennandi starf í geðrofs- og samfélagsgeðteymi
Metnaðarfullur og sjálfstæður hjúkrunarfræðingur óskast til starfa í geðrofs- og samfélagsgeðteymi á göngudeild geðrofssjúkdóma á Landspítala. Starfsumhverfið er spennandi, krefjandi og skemmtilegt, og fjölmörg tækifæri eru til faglegrar þróunar og frumkvöðlastarfs. Starfshlutfall er 80-100% og er um dagvinnu að ræða. Starfsumhverfið er einnig fjölskylduvænt en með styttingu vinnuvikunnar er miðað við 36 klukkustunda vinnuviku í 100% starfi. Sé óskað eftir vöktum er það einnig möguleiki í samstarfi við legudeildir geðþjónustu. Staðan er laus frá 1. janúar 2025 eða eftir samkomulagi.
Teymið er í stöðugri þróun og uppbyggingu. Hjúkrunarfræðingar gegna þar lykilhlutverki í mótun framtíðarsýnar, eflingu hjúkrunar, meðferðar og endurhæfingu fyrir einstaklinga með alvarlega geðrofssjúkdóma. Hjúkrunarfræðingi með áhuga á heildrænni nálgun, með reynslu af því að vinna með lífsstílstengda sjúkdóma gæti fundist starfið einstaklega spennandi, þar sem verið er að þróa sérhæfða lífsstílsíhlutun fyrir þjónustuþega. Allt starfsfólk sinnir málastjórn og er málastjóri helsti tengiliður þjónustuþega við teymið.
Í teyminu starfa hjúkrunarfræðingar, félagsráðgjafar, sálfræðingar, læknar, þroskaþjálfi, atvinnuráðgjafar, jafningi og annað sérhæft starfsfólk. Þjónustan fer fram bæði á göngudeild sem og í nærumhverfi þjónustuþega svo allir starfsmenn sinna heimavitjunum. Náið samstarf og samvinna er við innlagnardeildir geðþjónustu, velferðarþjónustu sveitafélaga, sem og aðra þjónustuveitendur í nærumhverfi þjónustuþega.
Margir möguleikar eru á starfsþróun fyrir hjúkrunarfræðinga á geðþjónustu. Haustið 2023 fór af stað sérhæft starfsþróunarár fyrir nýja hjúkrunarfræðinga á geðþjónustu sem felur í sér handleiðslu reynslumikilla geðhjúkrunarfræðinga, ásamt fræðslu. Haustið 2022 hófst einnig nýtt og spennandi meistaranám í klínískri geðhjúkrun við Háskóla Íslands og Háskólann á Akureyri í samstarfi við geðþjónustu Landspítala.
- Málastjórn fyrir þjónustuþega sem felur í sér greiningu á einkennum, færni og getu sem og gerð meðferðaráætlana.
- Heimavitjanir til að veita þjónustu í nærumhverfi þjónustuþegans.
- Virk þátttaka í þverfaglegu samstarfi og framþróun í starfi teymis.
- Vaktstjórn og lyfjagjafir ásamt öðrum hjúkrunartengdum verkefnum
- Hvatning, fræðsla, leiðbeiningar og heildrænn stuðningur við þjónustuþega og aðstandendur.
- Fjölþætt verkefni og tækifæri til að taka þátt eða stýra umbótastarfi innan teymis.
- Íslenskt hjúkrunarleyfi
- Meistaragráða í geðhjúkrun er kostur
- Reynsla af geðhjúkrun eða reynsla af hjúkrun lífsstílstengdra sjúkdóma er kostur.
- Góð samskiptahæfni, sveigjanleiki, jákvætt hugarfar, metnaður og áhugi á að starfa í þverfaglegu teymi.
- Stundvísi, áreiðanleiki og frumkvæði.
- Færni til að vinna sjálfstætt, skipuleggja og forgangsraða verkefnum
- Góð íslensku- og enskukunnátta er skilyrði og færni í mæltu og rituðu máli.
- Góð almenn tölvukunnátta
- Gilt ökuskírteini
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna
Tungumálahæfni: íslenska 4/5