Fótaaðgerðafræðingur á innkirtladeild
Við sækjumst eftir áhugasömum og framsæknum fótaaðgerðafræðingi til starfa á innkirtladeild Landspítala. Starfið felur í sér krefjandi verkefni á sviði sykursýki og annarra innkirtlasjúkdóma. Við viljum ráða skipulagðan, lausnamiðaðan einstakling með framúrskarandi samskiptahæfni og sem á auðvelt með að vinna í teymi. Starfshlufall er 40% eða eftir samkomulagi.
Innkirtladeild Landspítala er staðsett að Eiríksgötu 5 í Reykjavík í nýrri göngudeildaraðstöðu sem er m.a. sérstaklega hönnuð með þjónustu fótaaðgerðafræðings í huga. Á deildinni starfar yfir 20 manna þverfaglegur hópur heilbrigðisstarfsfólks.
Við sinnum stórum hópi einstaklinga með innkirtlasjúkdóma sem eru flóknir langvinnir sjúkdómar þar sem eftirlit til lengri tíma býður uppá náið samstarf með skjólstæðingum á dagvinnutíma. Deildin skilgreinir sig sem öndvegissetur innkirtlafræða á Íslandi og er í fararbroddi hvað varðar nýjungar í heildrænni en jafnframt skilvirkri göngudeildarþjónustu. Miklir möguleikar er á stuðningi við framhaldsnám, tengsl við erlendar stofnanir, námsferðir og rannsóknarvinnu.
- Klínísk fyrirbyggjandi inngrip og meðferð fótasára í sykursýki
- Samhæfing eftirlits og forvarna einstaklinga í hárri áhættu á fótasárum
- Gerð og viðhald klínískra leiðbeininga og verklagsreglna
- Þátttaka í teymisvinnu á innkirtladeild
- Íslenskt starfsleyfi sem fótaaðgerðarfræðingur
- Reynsla í starfi sem fótaaðgerðarfræðingur er kostur
- Jákvætt viðmót og framúrskarandi samskiptahæfni
- Hæfni og geta til að starfa í teymi
- Góð tölvukunnátta, skipulögð, sjálfstæð og nákvæm vinnubrögð
- Frumkvæði og faglegur metnaður í starfi
- Íslenskukunnátta
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Fótaaðgerðarfræðingur
Tungumálahæfni: íslenska 2/5,