Heilbrigðisritari/ skrifstofumaður - Sjúkrahótel Landspítala
Við viljum ráða til starfa heilbrigðisritara/ skrifstofumann sem hefur áhuga á fjölbreyttu starfi í krefjandi þverfaglegu umhverfi á Sjúkrahóteli Landspítala við Hringbraut.
Sjúkrahótelið, sem telur 75 herbergi, er ætlað einstaklingum sem þurfa heilsu sinnar vegna að dvelja tímabundið fjarri heimili sínu vegna rannsókna og/ eða meðferðar. Markmið starfseminnar er að stytta meðallegutíma á spítalanum, efla dag- og göngudeildarþjónustu og bæta þjónustu. Þeir sem dvelja á sjúkrahótelinu eru ekki samhliða innritaðir á legudeildir. Gert er ráð fyrir að sjúklingar séu sjálfbjarga en gætu þurft eftirlit og aðstoð hjúkrunarfræðings eða sértæka þjónustu á dag-, göngu- eða legudeilda. Á sjúkrahóteli geta einnig dvalið aðstandendur sjúklinga, foreldrar sem bíða fæðingar eða eru með barn sem er inniliggjandi, auk fólks sem býr fjarri sérhæfðri heilbrigðisþjónustu.
Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Leitum eftir metnaðarfullum einstaklingi sem er lausnamiðaður, þjónustulipur, með góða samskiptahæfni og sem á auðvelt með að vinna í teymi. Starfið er dagvinna frá kl. 8-16. Starfshlutfall er 100% og ráðið er í starfið frá 1. janúar 2025 eða eftir samkomulagi.
- Almenn og sérhæfð ritarastörf á deild s.s. símsvörun, upplýsingagjöf, útvegun og frágangur gagna og gagnavinnsla í tölvukerfum Landspítala
- Ábyrgð á daglegum viðfangsefnum deildar samkvæmt verklagi
- Önnur tilfallandi verkefni í samráði við deildarstjóra
- Heilbrigðisritaranám, stúdentspróf eða annað sambærilegt nám
- Mjög gott viðmót, þjónustulipurð og samskiptahæfni
- Skipulögð vinnubrögð, sjálfstæði í starfi og geta til að vinna undir álagi
- Góð íslensku- og enskukunnátta
- Góð tölvukunnátta er skilyrði, þekking á Sögukerfi Landspítala kostur
- Reynsla af ritarastörfum er kostur
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, heilbrigðisritari, ritari, móttaka, skrifstofustörf
Tungumálahæfni: íslenska 4/5, enska 4/5