Flæðisstjóri skurðlækningaþjónustu

Skurðlækningaþjónustan í Fossvogi óskar eftir því að ráða öflugan einstakling með faglega hæfni og reynslu af hjúkrun, sem flæðisstjóra til að stýra flæði skurðsjúklinga í Fossvogi. Um er að ræða nýja stöðu innan skurðlækningaþjónustunnar og er starfið unnið í nánu samstarfi við deildarstjóra legudeilda í Fossvogi, forstöðufólk, sérfræðilækna og sérnámslækna á sérgreinum skurðlækninga. Flæðisstjóri mun heyra undir deildarstjóra á dagdeild skurðlækninga í Fossvogi og vera með aðsetur þar.

Mikil gæða- og umbótavinna er innan þjónustunnar og er starf flæðisstjóra að tryggja skilvirkt flæði og að sjúklingar fái rétta þjónustu, á réttum stað og á réttum tíma. 

Starfið felur í sér mikla teymisvinnu þar sem unnið er í góðu samstarfi við þverfagleg teymi og fjölmargt annað fagfólk spítalans. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun.

Starfshlutfall er 100% dagvinnustarf og er ráðið í starfið sem fyrst eða eftir nánara samkomulagi. Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.