Hjúkrunarnemar á 3. og 4. ári takið eftir; skemmtileg störf í boði á meltingar- og nýrnadeild

Langar þig í skemmtilegt starf þar sem er styðjandi starfsumhverfi og góður starfsandi ríkir og þar sem virðing, jákvæðni og samvinna eru höfð í fyrirrúmi? 

Við leitumst eftir að ráða drífandi hjúkrunarnema á 3. og 4 ári til starfa með okkur á meltingar og nýrnadeild. Starfshlutfall og vinnufyrirkomulag eftir samkomulagi. Við gerum okkar besta til þess að taka tillit til námstíma og prófa við skipulagningu vakta.

Ráðið er í störfin sem fyrst eða eftir nánara samkomulagi. Hjúkrunarnemar fá markvissan stuðning frá reyndum hjúkrunarfræðingum samhliða starfi á deildinni.

Möguleiki er á sumarstarfi í framhaldinu.

Meltingar- og nýrnadeild er 19 rúma bráðalegudeild og sinnir sjúklingum með bæði bráða og langvinna sjúkdóma í meltingarfærum og nýrum auk annarra sjúkdóma á sviði bráðra lyflækninga. Við leggjum mikla áherslu á að skapa uppbyggjandi starfsumhverfi og veitum sjúklingum okkar einstaklingsmiðaða hjúkrun.

Á deildinni starfar áhugasamur hópur margra starfstétta s.s. lækna, hjúkrunarfræðinga, sjúkraliða og heilbrigðisritara, auk stoðstétta sem sinna sjúklingum í samvinnu við starfsfólk deildarinnar s.s. sjúkraþjálfara og iðjuþjálfa. Á deildinni er lögð áhersla á öryggi sjúklinga og starfsfólks, samvinnu teyma og stöðugar umbætur.

Við leggjum áherslu á að taka vel á móti nýju samstarfsfólki og veita góða og markvissa aðlögun.