Læknir í transteymi fullorðinna

Ert þú læknir með áhuga á kynstaðfestandi heilbrigðisþjónustu?

Vilt þú vera hluti af teymi þar sem mikill áhugi og samvinna eru ríkjandi?

Landspítali leitar að framsæknum og áhugasömum lækni til starfa í transteymi fyrir fullorðinna með stuðningi sérfræðilæknis með sérþekkingu í kynstaðfestandi heilbrigðisþjónustu. Þekking á málaflokknum er æskileg en fyrst og fremst áhugi til að læra og þróast í starfi. Þessi staða er afskaplega gefandi starf með áherslu á velferð trans samfélagsins. 

Við bjóðum upp á aðgengi að alþjóðlegri þjálfun, ráðstefnum, sérfræðistuðningi og tækifærum á að byggja upp alþjóðlegt tengslanet. Þetta er einstakt og spennandi tækifæri til að halda áfram því starfi sem liggur að baki tilurðar kynstaðfestandi þjónustu fyrir fullorðna á Íslandi. Mikil samvinna er einnig við hagsmunasamtök og mörg tækifæri til samþættingar innan heilbrigðiskerfisins og innan samfélagsins. 

Starfshlutfall er allt að 50%, dagvinna og er starfið laust nú þegar eða eftir samkomulagi. 

Boðið er upp á:

• Þjálfun og aðlögun í starfi 
• Tækifæri til að hafa áhrif á starfsemi sem er í stöðugri framþróun
• Starfsumhverfi sem einkennist af virðingu, fagmennsku og teymisvinnu
• Tækifæri til þátttöku í rannsóknum á þessu sviði læknavísinda þar sem hröð framþróun á sér stað