Hjúkrunarfræðingur á göngudeild öldrunarlækninga á Landakoti
Tækifæri fyrir framsækinn hjúkrunarfræðing!
Viltu vera hluti af öflugu teymi sem veitir öldruðum einstaklingum sérhæfða þjónustu og stuðlar að bættum lífsgæðum?
Á göngudeild Landakots vinnum við saman að því að veita einstaklingsmiðaða umönnun og stuðning. Við leitum að metnaðarfullum hjúkrunarfræðingi til að ganga til liðs við okkur. Viðkomandi þarf að vera lausnamiðaður, hvetjandi og tilbúinn að taka virkan þátt í faglegri þróun og uppbyggingu deildar.
Við veitum þér einstaklingsmiðaða aðlögun í upphafi starfsins. Starfshlutfall er 80-100% eða eftir nánara samkomulagi og er upphaf starfa samkvæmt samkomulagi en æskilegt að viðkomandi geti hafið störf sem fyrst.
Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Hjúkrunarfræðingar deildarinnar eru hluti af þverfaglegu teymi sem metur heilsufar, færni og þjónustuþörf, veitir meðferð og eftirfylgd. Hjúkrunarfræðingar eru tengiliðir skjólstæðinga og aðstandenda þeirra við aðra þjónustu- og meðferðaraðila. Stór þáttur af starfinu er fræðsla, ráðgjöf og stuðningur við skjólstæðinga og fjölskyldur þeirra.
- Íslenskt hjúkrunarleyfi
- Frumkvæði, sjálfstæði og góð samskiptahæfni
- Áhugi á umbótum og þróun öldrunarþjónustu
- Þekking á þjónustuúrræðum og reynsla í hjúkrun aldraðra er kostur
- Íslenskukunnátta áskilin
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna
Tungumálahæfni: íslenska 4/5