Fyrirvari í opnunarskýrslu

Opnunarskýrsla inniheldur ekki endanlega niðurstöðu útboðs. Hún birtir einungis heildarfjárhæðir tilboða. Endanlegt val mun einnig taka mið á þáttum eins og gæðum, umhverfisáhrifum, nýsköpun, samfélagslegri ábyrgð og öðrum atriðum samkvæmt útboðsgögnum og í samræmi við lög um opinber innkaup.

Við leggjum ríka áherslu á nákvæmni og gagnsæi og tryggjum jafnan aðgang allra hagsmunaaðila að upplýsingum. Vinsamlega athugið að skýrslan gæti innihaldið villur og að tilboðin hafa ekki verið metin að fullu.

Ef í ljós kemur að fjárhæðir í skýrslunni eru ekki réttar miðað við innsendar upplýsingar og leiðbeiningar um útfyllingu, verður leiðrétt opnunarskýrsla birt rafrænt svo fljótt sem kostur er.

Upplýsingar um kæruheimild

Samkvæmt 1. mgr. 86. gr. laga um opinber innkaup nr. 120/2016 (OIL) er óheimilt að gera samning í kjölfar ákvörðunar um val tilboðs fyrr en tíu daga biðtími er liðinn frá deginum eftir birtingu tilkynningar samkvæmt 85. gr. OIL. Ef ákvörðun þessi er ekki kærð og útboðið ekki stöðvað er heimilt að ganga til samninga frá og með 5. nóvember 2024.

Samkvæmt 85. gr. OIL, eiga bjóðendur rétt á að fá rökstuðning fyrir höfnun á tilboðum sínum. Til að óska eftir rökstuðningi skal senda skriflega beiðni (bréf, fax eða tölvupóst) til Innkaupadeildar Landspítala innan 14 daga frá móttöku tilkynningar um ákvörðun. Innkaupadeildin mun svara beiðninni innan 15 daga frá móttöku hennar. Tilkynningu um val tilboðs og rökstuðning skal senda öllum fyrirtækjum sem ekki hefur verið hafnað eða vísað frá innkaupaferli með endanlegri ákvörðun.

Í XI. kafla laga um opinber innkaup nr. 120/2016 er fjallað um Kærunefnd útboðsmála. Samkvæmt 1. mgr. 106. gr. skal kæra borin skriflega undir kærunefndina innan 20 daga frá því að kærandi vissi eða mátti vita um þá ákvörðun, athöfn eða athafnaleysi sem hann telur brjóta gegn réttindum sínum. Kröfu um óvirkni samnings er heimilt að bera undir nefndina innan 30 daga frá sama tímamarki en þó ekki ef meira en sex mánuðir eru liðnir frá gerð samningsins. Nánari ákvæði um fresti eru í 106. gr. OIL. Fyrir hverja kæru skal greiða kærugjald að fjárhæð 210.000 kr.

Í kæru skulu koma fram upplýsingar um kæranda, varnaraðila og þá ákvörðun, athöfn eða athafnaleysi sem kærð er. Einnig skulu kröfur kæranda fylgja ásamt stuttri lýsingu á málsatvikum, málsástæðum og rökstuðningi. Kröfugerð skal lúta að úrræðum nefndarinnar samkvæmt lögum þessum. Kærandi skal tilkynna kaupanda um kæru eins fljótt og mögulegt er.

Lög um opinber innkaup

Frekari upplýsingar um Kærunefnd útboðsmála og leiðbeiningar um kæruheimild má finna á vef Stjórnarráðs Íslands: www.stjornarradid.is/verkefni/rekstur-og-eignir-rikisins/kaerunefnd-utbodsmala

Áætlun fyrir lyfjaútboð

Athugið: Taflan hér að neðan sýnir áætlaða auglýsingatíma fyrir lyfjaútboð.