Sérfræðiljósmóðir á meðgöngu- og sængurlegudeild Landspítala
Laust er til umsóknar starf sérfræðiljósmóður á meðgöngu- og sængurlegudeild Landspítala. Starfið veitist frá 1. október 2024. Um er að ræða sérfræðiljósmóður með áherslu á brjóstagjöf. Sérfræðiljósmóðir á LSH er ljósmóðir sem hefur sértæka þekkingu, framhaldsmenntun og færni til að leysa viðfangefni er lúta að þjónustu við skjólstæðinga og aðstandendur þeirra og hefur sérfræðileyfi í ljósmóðurfræði frá Embætti landlæknis. Sérfræðiljósmóðir vinnur þverfaglega í þjónustu við skjólstæðinga sína í klínískum störfum og í verkefnavinnu. Hún er frumkvöðull og leiðtogi í klínísku starfi og byggir starf sitt á gagnreyndri þekkingu.
Á meðgöngu- og sængurlegudeild er veitt þjónusta við konur eftir fæðingu auk þjónustu við konur með áhættuþætti sem þurfa sérhæft eftirlit fyrir fæðingu. Um 70 manns starfa á deildinni og er fagmennska og teymisvinna höfð að leiðarljósi.
Starfssvið sérfræðiljósmóður er að efla og bæta þjónustu við konur og fjölskyldur þeirra í gegnum barneignarferlið. Sérfræðiljósmóðir starfar í samvinnu við stjórnendur og aðra starfsmenn í samræmi við stefnu Landspítala. Starfssvið sérfræðiljósmóður er fjölþætt og skiptist í eftirfarandi þætti; umönnun skjólstæðinga, fræðslu og kennslu, rannsóknir, ráðgjöf, þekkingarþróun, starfsþróun og önnur tengd verkefni. Sérfræðiljósmóðir vinnur sjálfstætt samkvæmt starfslýsingu.
- Meistara- eða doktorspróf í ljósmóðurfræði
- Íslenskt sérfræðileyfi í ljósmóðurfræði
- Sérhæfing og starfsreynsla í ljósmóðurfræðum
- Sérfræðiþekking á brjóstagjöf
- Leiðtoga- og samskiptahæfileikar
- Reynsla af teymisvinnu
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, sérfræðiljósmóðir, ljósmóðir