Aðstoðardeildarstjóri á barnadeild - Barnaspítala Hringsins
Við leitum eftir metnaðarfullum hjúkrunarfræðingi með brennandi áhuga á hjúkrun barna og fjölskyldna, stjórnun, gæða- og umbótastarfi, í starf aðstoðardeildarstjóra.
Barnadeild og Rjóður sameinuðust í eina deild þann 1.október síðastliðinn. Á sameinaðri deilda starfa þrír aðstoðardeildarstjórar sem vinna náið saman í teymi með hjúkrunardeildarstjóra. Helstu verkefni nýs aðstoðardeildarstjóra munu snúa að starfssemi barnadeildar 22ED.
Starfið er laust frá 1. október 2025 eða eftir samkomulagi. Um er að ræða starf í dagvinnu að mestu og er starfshlutfall 100%.
Barnadeild og Rjóður sinna breiðum skjólstæðingahópi barna frá fæðingu að 18 ára aldri og fjölskyldum þeirra. Þar er veitt fjölbreytt heilbrigðisþjónusta með hugmyndafræði fjölskylduhjúkrunar að leiðarljósi. Barnadeildin er 21 rúma legudeild og Rjóður sinnir hvíldarinnlögnum og endurhæfingu.
Aðstoðardeildarstjóri starfar náið með stjórendateymi og fylgir eftir ákvörðunum um skipulag hjúkrunar og verklag á deild sem og innleiðingu nýjunga í hjúkrun er stuðla að auknum gæðum hjúkrunar, gagnreyndum starfsháttum og öryggi sjúklinga.
Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
- Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu
- Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun
- Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra
- Þátttaka í stjórnendateymi barnadeildar í ýmsum verkefnum tengdum stjórnun, rekstri, þjónustu og mannauðsmálum
- Vinnur náið með stjórnendateymi að mótun liðsheildar
- Afleysing deildastjóra eftir þörfum
- Íslenskt hjúkrunarleyfi
- Starfsreynsla sem hjúkrunarfræðingur
- Framhaldsmenntun í hjúkrun og/eða önnur framhaldsmenntun á háskólastigi sem nýtist í starfi er kostur
- Leiðtogahæfni
- Framúrskarandi færni í samskiptum og teymisvinnu
- Faglegur metnaður, frumkvæði og geta til að leiða umbótastarf
- Skipulagshæfni og öguð vinnubrögð
- Frumkvæði og sjálfstæði
- Góð tölvukunnátta
- Mjög góð íslenskukunnátta í mæltu og rituðu máli
- Hreint sakavottorð
Frekari upplýsingar um starfið
AAllar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Hjúkrunarfræðingur, aðstoðardeildarstjóri, stjórnunarstarf, hjúkrun, teymisvinna,
Tungumálahæfni: íslenska 5/5,