Teymisstjóri fasteignaþjónustu
Fasteigna- og umhverfisþjónusta Landspítala auglýsir eftir öflugum teymisstjóra fasteigna. Við leitum að öflugum teymisstjóra sem hefur brennandi áhuga á að styðja mikilvæga starfsemi innan Landspítala, einum stærsta vinnustað landsins.
Fasteigna- og umhverfisþjónusta sinnir mismunandi þjónustuþáttum á sviði fasteigna, öryggis og innra og ytra umhverfi Landspítala. Um er að ræða deild með fjölbreytta starfsemi en megin hlutverk hennar er að sinna umsjón, viðhaldi og þjónustu við fasteignir Landspítala. Starfsemi Landspítala fer fram í um 160.000 m² húsnæði víðs vegar á höfuðborgarsvæðinu.
Við sækjumst eftir einstaklingi með brennandi áhuga á teymisvinnu og að byggja upp og viðhalda sterkri liðsheild. Leitað er að jákvæðum og ábyrgum einstaklingi sem býr yfir skipulagshæfni, lipurð í mannlegum samskiptum og heiðarleika. Teymisstjóri vinnur náið með stjórnendum, starfsfólki og hagaðilum innan sem utan spítalans að framþróun, þjónustu og umbótum. Starfshlutfall er 100% og er starfið laust samkvæmt samkomulagi.
- Dagleg teymisstjórnun, skipulag og forgangsröðun verkefna
- Umsjón með gerð og eftirfylgni viðhalds- og viðbragðsáætlana
- Skipulag vakta og leyfa, skilgreina mönnun og verkefni í samráði við deildarstjóra
- Taka þátt í vinnu með NLSH að hönnun nýs spítala
- Miðla þekkingu til nýrra starfsmanna og nýliðaþjálfun
- Þátttaka í gæða- og umbótastarfi, s.s. þróun verklagsreglna
- Sinna almennum störfum innan fasteignaþjónstu eftir þörfum
- Önnur tilfallandi verkefni í samráði við deildarstjóra
- Háskólamenntun sem nýtist í starfi, t.d. í iðnfræði, tæknifræði, byggingafræði eða sambærilegu
- Iðnmenntun sem nýtist í starfi
- Leiðtogahæfni, skipulagshæfni og samskiptahæfni
- Þjónustulund, jákvætt og lausnamiðað viðmót
- Greiningarhæfni, s.s. greina mönnunarþörf, kostnað verka, tímaáætlanir
- Reynsla af stjórnun er kostur
- Góð tölvuþekking
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: teymisstjóri, fasteignaþjónusta, byggingafræðingur, önnur stjórnunarstörf