Matreiðslumaður í veitingaþjónustu Landspítala
Veitingaþjónusta Landspítala auglýsir laust til umsóknar starf matreiðslumanns. Veitingaþjónustan heyrir undir rekstrar- og mannauðssvið og rekur eitt stærsta framleiðslueldhús á Íslandi en þar eru daglega framleiddar um 6.000 máltíðir fyrir sjúklinga, aðstandendur og starfsfólk.
Veitingaþjónusta rekur eitt stærsta framleiðslueldhús á Íslandi en þar eru daglega framleiddar um 6000 máltíðir fyrir sjúklinga, aðstandendur og starfsfólk. Deildin starfrækir jafnframt 10 matsali og 2 kaffihús undir nafninu ELMA matsalir. Hjá veitingaþjónustu Landspítala starfa rúmlega 100 einstaklingar í samhentri deild og fást þar við fjölbreytt og skemmtileg verkefni. Dæmi um einingar innan veitingaþjónustu eru t.d. framleiðslueldhús, sjúkraheldhús og ELMA matsalir Landspítala.
Leitað er eftir drífandi einstaklingi með ríka þjónustulund og framúrskarandi samskiptahæfni. Viðkomandi þarf að búa yfir mikilli samskiptahæfni og getu til að mæta þörfum ólíkra hópa, hafa auga fyrir umbótum og stuðla að jákvæðum starfsanda og starfsumhverfi á fjölþjóðlegum vinnustað. Starfið er fjölbreytt, skemmtilegt og býður upp á lifandi starfsumhverfi. Starfið er laust samkvæmt samkomulagi.
- Vinnur samkvæmt starfslýsingu matreiðslumanns
- Leiðbeinir og þjálfar starfsfólk við almenn störf eftir þörfum
- Daglegur undirbúningur og matreiðsla heitra og kaldra rétta
- Þátttaka í vöruþróun á heitum og köldum réttum
- Framúrskarandi hæfni í mannlegum samskiptum
- Hæfni til að leiðbeina - verkstýring utan dagvinnu og um helgar
- Umbóta- og lausnamiðuð nálgun viðfangsefna
- Góð þekking á heilbrigðum og öruggum starfsháttum í veitingarekstri
- Metnaður, frumkvæði og geta til að starfa sjálfstætt og í teymum
- Skipulögð og fagleg vinnubrögð
- Íslenskukunnátta og almenn tölvukunnátta er æskileg
- Sveinspróf í matreiðslu
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Matreiðslumaður, veitingastörf, matreiðsla, kokkur, matreiðslumeistari