Brjóstamiðstöð Landspítala

VIÐ HVETJUM ÖLL SEM HAFA FENGIÐ BOÐSBRÉF Í SKIMUN AÐ BÓKA TÍMA

Staðsetning: Brjóstamiðstöð, skimun og greining er staðsett á Eiríksgötu 5, 3.hæð.

Þjónustutími: Opið fyrir brjóstaskimanir mánudaga til föstudaga kl: 8:00-16:00. Einnig er boðið upp á kvöld og helgaropnun valda daga.

Verðskrá: Brjóstaskimun er hluti af greiðsluþátttökukerfi Sjúkratrygginga Íslands. Sjá nánar gjaldskrá Landpítala.

Aðgengi að sérfræðiþjónustu Brjóstamiðstöðvar Landspítala:

1. Tilvísun til Brjóstamiðstöðvar frá heilsugæslu. Heilsugæslan veitir fyrstu ráðgjöf við öllum einkennum frá brjóstum og sendir rafræna tilvísun á Brjóstamiðstöð til frekari ráðgjafar. Einnig bendum við á að alltaf er hægt að leita til upplýsingamiðstöðvar heilsugæslunnar sem er miðlæg þjónusta fyrir alla sem þangað leita, þjónustan er aðgengileg á netspjalli Heilsuveru í síma 1700. Mikilvægt er að taka fram að um er að ræða einkenni frá brjóstum
2. Tilvísun til Brjóstamiðstöðvar frá læknastofum. Læknastofur geta einnig sent rafræna tilvísun fyrir einstaklinga á Brjóstamiðstöð til frekari ráðgjafar.

Ef þú ert með einkenni frá brjósti/um þá skalt þú hafa beint samband við upplýsingamiðstöð Heilsugæslunnar í síma 1700 eða í gegnum netspjall Heilsuveru til að fá forgangstíma í klíníska skoðun á þinni heilsugæslustöð.

Boðanir og niðurstöður: Einkennalausar konur á aldrinum 40 til 74 ára sem hafa fengið boðsbréf geta pantað tíma í skimun fyrir brjóstakrabbameini. Samhæfingarstöð krabbameinsskimana (SKS) sem er rekin af Heilsugæslu höfuðborgarsvæðisins heldur utan um boðanir og sendir einnig rafrænt svarbréf þegar niðurstöður rannsóknar liggja fyrir. Tímabókanir eru hjá Brjóstamiðstöð í síma 543 9560 milli kl 8:30 – 12:00 og 13:00 – 15:30 alla virka daga. Einnig er hægt að senda tölvupóst á brjostaskimun@landspitali.is

Ef þú ert með einkenni frá brjósti/um þá skalt þú hafa beint samband við upplýsingamiðstöð Heilsugæslunnar í síma 1700 eða í gegnum netspjall Heilsuveru til að fá forgangtíma í klíníska skoðun á þinni heilsugæslustöð.

Teymi Brjóstamiðstöðvar Landspítala verður á ferðinni eftir skipulögðum dögum í haust 2024:

*Ekki 22. nóvember

Mikilvægt er að hafa samband og bóka tíma. Hægt er að bóka tíma með því að senda tölvupóst á brjostaskimun@landspitali.is
Við bendum á að brjóstaskimun er einnig í boði allt árið á Sjúkrahúsinu á Akureyri (Sak) fyrir einstaklinga staðsetta á Akureyri og nærsveitum. 

Því fyrr sem brjóstakrabbamein finnst, því líklegri er góður árangur af meðferð. Fylgstu vel með brjóstum og handarkrikum. Skoðaðu og þreifaðu reglulega. Þekktu líkama þinn, þá tekur þú frekar eftir breytingum. Gott er að vera við spegil. Í flestum tilfellum eru einkenni þó ekki vegna krabbameins en mikilvægt er að fá úr því skorið.

• Hnútur eða fyrirferð í brjósti, ofar á bringu eða í handarkrika
• Breytingar á geirvörtu, t.d. að hún hafi dregist inn
• Útbrot, hreistrug húð eða sár sem ekki grær á geirvörtu eða kringum hana
• Vökvi fer að leka úr geirvörtu
• Áferðarbreyting á húð, er t.d. ójöfn
• Breyting á lögun eða stærð brjósts
• Roði, hiti, bólga eða litabreytingar í húð 

Ef vart verður við ofangreind einkenni er mikilvægt að leita sér þekkingar fagaðila sem fyrst til að meta eðli einkenna og þörf á frekari rannsóknum.

Brjóstakrabbamein er óalgengt hjá einstaklingum yngri en 40 ára en mikilvægt fyrir fólk á öllum aldri að fylgjast með mögulegum einkennum og leita til fagaðila.

Aðgengi að sérfræðiþjónustu Brjóstamiðstöðvar Landspítala:

1. Tilvísun til Brjóstamiðstöðvar frá heilsugæslu. Heilsugæslan veitir fyrstu ráðgjöf við öllum einkennum frá brjóstum og sendir rafræna tilvísun á Brjóstamiðstöð til frekari ráðgjafar. Einnig bendum við á að alltaf er hægt að leita til upplýsingamiðstöðvar heilsugæslunnar sem er miðlæg þjónusta fyrir alla sem þangað leita, þjónustan er aðgengileg á netspjalli Heilsuveru og í síma 513 1700. Mikilvægt er að taka fram að um er að ræða einkenni frá brjóstum.
2. Tilvísun til Brjóstamiðstöðvar frá læknastofum. Læknastofur geta einnig sent rafræna tilvísun fyrir einstaklinga á Brjóstamiðstöð til frekari ráðgjafar.