Aðstoðarmaður deildarstjóra/ verkefnastjóri á geðgjörgæslu 32C
Geðgjörgæsla auglýsir laust til umsóknar starf aðstoðarmanns deildarstjóra/verkefnastjóra. Á deildinni er veitt sérhæfð þjónusta í meðferð og umönnun einstaklinga með bráð geðræn einkenni. Gagnreynd þekking, viðurkenndir verkferlar og hugmyndafræði um geðgjörgæslu eru í fyrirrúmi.
Leitað er eftir öflugum liðsmanni með mikla skipulagshæfileika og getu til að vinna undir álagi í fjölbreyttu, krefjandi og skapandi starfi á frábærum vinnustað. Æskilegt að umsækjandi geti hafið störf sem fyrst.
- Almenn skrifstofustörf s.s. símsvörun, vörupantanir og upplýsingagjöf
- Gagnavinnsla í tölvukerfum Landspítala
- Ritun og úrvinnsla fundargerða og annarra gagna sem tengjast starfseminni
- Þátttaka í ráðningum, móttöku og aðlögun nýrra starfsmanna
- Ýmis sérhæfð verkefni sem tengjast samskiptum og samhæfingu s.s. að halda utan um fræðslu, starfsdaga, fundi og aðra viðburði
- Yfirsýn yfir rekstrarumhverfi
- Ýmis sérhæfð verkefni sem tengjast umbótastarfi
- Önnur verkefni að beiðni deildarstjóra
- Nám sem nýtist í starfi
- Reynsla af sambærilegu starfi æskileg
- Reynsla af starfi í geðþjónustu er kostur
- Vandvirkni og mikil skipulagsfærni, sjálfstæði og víðsýni
- Geta til að vinna hratt og undir álagi
- Jákvætt viðhorf, skapandi hugsun, frumkvæði og mikil færni í mannlegum samskiptum
- Faglegur metnaður og ábyrgð í starfi
- Mjög góð almenn tölvukunnátta
- Mjög góð færni í íslensku og ensku, bæði töluðu og rituðu máli
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, aðstoðarmanneskja, verkefnastjóri, ritari, heilbrigðisritari, skrifstofustarf