Strætóleiðir: Leiðir 1, 3 og 6 stoppa við Gömlu Hringbraut, Læknagarða og Klambratún. Leiðir 5 og 15 stoppa við Sjúkrahótelið og leið númer 18 stoppar á Snorrabraut.

Hjá bráðaþjónustu geðþjónustunnar fer fram fyrsta mat á vanda þeirra sem þangað leita og er fólki vísað þaðan áfram til frekari greiningar og/eða meðferðar.
Stundum getur viðkomandi þurft á innlögn að halda en að öðrum kosti er vísað í viðeigandi úrræði innan eða utan Landspítala.

Bráðamóttaka geðþjónustu

Móttaka vegna bráðs geðræns vanda er opin allan sólarhringinn. Hún er staðsett á bráðamóttöku geðþjónustunnar á fyrstu hæð í geðdeildarbyggingunni við Hringbraut kl. 12:00-19:00 virka daga og kl. 13:00-17:00 um helgar og á frídögum. Utan þess tíma er hún staðsett á bráðamóttökunni í Fossvogi.

Til bráðamóttöku getur fólk leitað með áríðandi mál af geðrænum toga án þess að eiga pantaðan tíma eða hafa tilvísun til að koma .

Sími bráðamóttöku geðþjónustunnar: 543 4050 á þeim tíma sem opið er.
Sími Landspítala: 543 1000

Á bráðamóttöku geðþjónustunnar er ekki:

ávísað ávanabindandi lyfjum
hafin fráhvarfsmeðferð
endurnýjaðir lyfseðlar eða skrifuð vottorð

Ekki eru gefin ávanabindandi lyf á bráðamóttöku geðþjónustunnar

Sjá nánari upplýsingar í fræðsluefni bráðamóttöku geðþjónustu

Ráðgjöf

Starfsfólk bráðamóttöku geðþjónustunnar sinnir geðráðgjafarþjónustu fyrir bráðamóttökuna í Fossvogi á virkum dögum og einnig fyrir legudeildir spítalans.

Bráða- og ráðgjafarþjónusta geðsviðs

Deildin veitir skammtíma meðferð við bráðum geðrænum vanda.

Yfirlæknir: Halldóra Jónsdóttir

Lögð er áhersla á að finna viðeigandi farveg að lokinni eftirfylgd sem getur falist í úrræðum innan sem utan Landspítala.
Farvegur tilvísana: Eingöngu er tekið við tilvísunum frá bráðamóttöku geðþjónustunnar.