Göngudeild húð- og kynsjúkdóma

Deildarstjóri

Emma B. Magnúsdóttir

Yfirlæknir

Elísabet Reykdal Jóhannesdóttir

Banner mynd fyrir Göngudeild húð- og kynsjúkdóma

Hafðu samband

Tilvísun þarf að liggja fyrir til að hægt sé að bóka tíma vegna húðsjúkdóma. Síminn er opinn kl. 11-12 og 13-14 - Hægt er að afbóka bókaðan tíma á netfanginu hudogkyn@landspitali.is

Kynsjúkdómar: 543 6050

Tímapantanir og niðurstöður eru í gegnum Landspítala-app. Síminn er opinn kl. 11-12 og 13-14 - Hægt er að afbóka bókaðan tíma á netfanginu hudogkyn@landspitali.is

OPIÐ

Hér erum við

1. hæð A álma Fossvogi. Aðkoma er austan við Landspítala Fossvogi í lágbyggðu húsi í suðausturhorni lóðarinnar. Þegar komið er inn á lóð spítalans þar er ekið framhjá bráðamóttökunni, niður bílaplanið og beygt til hægri hjá Strandmöllen súrefniskútnum. Þar er inngangurinn, fyrsta hurðin á suðurhlið hússins (ekki hurðin á gaflinum).

Hagnýtar upplýsingar

Húðsjúkdómar: Tímapantanir, símanúmer og götukort

Sími: 543 6350
Tilvísun þarf að liggja fyrir til að hægt sé að bóka tíma vegna húðsjúkdóma. Síminn er opinn kl. 11.00 - 12.00 og 13.00 - 14.00

Fræðsluefni fyrir húðsjúkdóma

Bjúgur á fótum - þrýstingsmeðferð með teygjubindum

Fræðsluefni fyrir kynsjúkdóma er að finna undir sér kafla neðar á síðunni um Kynsjúkdóma.

Kynsjúkdómar: Tímapantanir, símanúmer og götukort

Tímapantanir hjá kynsjúkdómadeild eru í gegnum Landspítala-app

Þeir sem hvorki eiga rafræn skilríki né auðkennisapp bóka tíma hjá ritara:

Sími: 543 6050
Panta þarf tíma: kl. 11.00 - 12.00 og 13.00 - 14.00

Blóðrannsókn í Fossvogi:

Örvarnar sýna leiðina frá göngudeild húð- og kynsjúkdóma í blóðrannsókn. Gengið er inn um Krókinn, aðalinngang Landspítala í Fossvogi. Þegar þangað er komiðer farið beint áfram að rannsóknarkjarna (E1 er til vinstri).
Þegar komið er inn í E-álmuna er beygt strax til hægri að afgreiðslu blóðrannsókna (rannsóknakjarni).

Stjórnendur

Deildarstjóri:
Emma B. Magnúsdóttir
Göngudeild húð- og kynsjúkdóma
emmabm@landspitali.is

Yfirlæknir:
Elísabet Reykdal Jóhannesdóttir
slbeta@landspitali.is

Kynsjúkdómar

Leiðbeiningar um tímapöntun, komu á kynsjúkdómadeild og fleira:

Að panta tíma á kynsjúkdómadeild

Beiðni um kynsjúkdómarannsóknir er í gegnum Landspítlaapp. Appið er aðgengilegt á Apple Store og Google Play undir nafninu „Landspítali“. Upplýsingar um Landpsítala appið
Þar er sóttur spurningalisti: Leiðbeiningar hvernig á að sækja spurningalistann í appinu
Það þarf rafræn skilríki eða auðkennisappið til að opna Landspítlaappið.
Það er bara hægt að sækja Landspítlaappið í farsíma og spjaldtölvu (ekki borðtölvu).
Biðtími eftir rannsókn er oftast 1-5 virkir dagar eftir að svör við spurningalista hafa borist til deildar.
Sms-skilaboð með strikamerki berst í skráðan síma þegar sýnatökusett er tilbúið í snjall- /póstboxi á deildinni (gildir aðeins fyrir þá sem svara spurningalista í Landspítlaappi). Strikamerkið gildir í 24 klst. á opnunartíma deildar (strikamerki sem berst á föstudegi og fyrir frídag, gildir bara þann dag).
Sýnatökusett má nálgast í snjall- /póstboxi á biðstofu göngudeildar húð- og kynsjúkdóma, A1, Fossvogi sem er opin virka daga kl. 8:15 til 15:00.
Þeir sem ekki eiga rafræn skilríki hringja í ritara (s. 5436050) og fá lánaða spjaldtölvu á deildinni til að svara spurningalistanum.

________________________________________

Allir eru bókaðir í almenna kynsjúkdómarannsókn án viðtals við hjúkrunarfræðing/lækni.
Í almennri kynsjúkdómarannsókn er skimað fyrir klamydíu og lekanda.
Einstaklingar með typpi skila þvagsýni og einstaklingar með leggöng skila stroksýni frá leggöngum.
Í spurningalistanum er einnig hægt að óska eftir blóðprufum og símaráðgjöf hjúkrunarfræðings.
Til að fá áreiðanlegar niðurstöður úr klamydíu- og lekandarannsóknum þurfa að líða minnst 10 dagar frá mögulegu smiti þar til sýni er tekið.
Niðurstöður rannsókna má nálgast í Landspítlaappi eftir 1-3 virka daga.

Símtal við hjúkrunarfræðing

Hægt er að óska eftir símtali við hjúkrunarfræðing í spurningalistanum.
Hjúkrunarfræðingur hringir samdægurs eða næsta virka dag.

ATH: Það er ekki hægt að bóka símtal við lækni.

Sýnataka fyrir klamydíu og lekandatékk

Einstaklingur með typpi skilar þvagsýni.

Leiðbeiningar um þvagsýnatöku á kynsjúkdómadeild

Einstaklingur með typpi sem á kynlífsfélaga með typpi skilar auk þvagsýnis, sýni frá hálsi og/eða endaþarmi.

Einstaklingur með leggöng skilar stroksýni frá leggöngum.

Leiðbeiningar um hvernig taka á strok frá leggöngum á kynsjúkdómadeild

Einstaklingur sem á kynlífsfélaga sem hefur greinst með lekanda skilar sýni frá hálsi auk sýnis frá kynfæri.

Leiðbeiningar um hvernig taka á strok frá hálsi á kynsjúkdómadeild

Blóðprufur

Ef einstaklingur vill blóðprufu merkir hann við í spurningalistanum: „Blóðrannsókn fyrir HIV og sárasótt"

Blóðrannsókn í Fossvogi:
Örvarnar sýna leiðina frá göngudeild húð- og kynsjúkdóma í blóðrannsókn.
Þegar komið er inn í E-álmuna er beygt til hægri að afgreiðslu blóðrannsókna (rannsóknakjarni)

Hvenær er ráðlagt að taka blóðprufu

Blóðrannsóknir eru nauðsynlegar þegar:

Smokkur er ekki notaður eða kynlífsfélagar eru margir.
Saga um sprautufíkn en þá er einnig æskilegt að óska eftir blóðprufu fyrir lifrarbólgu.
Athuga að ef minna en þrír mánuðir eru frá mögulegu smiti ætti að endurtaka blóðrannsóknir.

Læknisskoðun

Nauðsynlegt er að útiloka klamydíu- og lekandasmit með sýnatöku.

Sár á kynfærum eða endaþarmi

Ef einkenni eru ný og/eða mikil (verkir, sviði og sársauki við þvaglát) og þörf þykir á skoðun er í spurningalistanum bókuð símaráðgjöf hjá hjúkrunarfræðingi. Hjúkrunarfræðingur hringir samdægurs eða næsta virka dag.
Nauðsynlegt er að útiloka klamydíu- og lekandasmit með sýnatöku og ef við á blóðrannsókn fyrir HIV og sárasótt.

Vörtur á kynfærum eða við endaþarm

Ef grunur er um vörtur á kynfærum eða við endaþarm bókar ritari tíma í læknisskoðun á göngudeild húð- og kynsjúkdóma um leið og sýni fyrir klamydíu- og lekanda er skilað.

Koma á kynsjúkdómadeild

Snjall- /póstbox er staðsett á biðstofu göngudeildar húð- og kynsjúkdóma, A1, Fossvogi. Deildin er opin virka daga kl. 8:15 til 15:00. (Móttökustandur í anddyri virkar ekki fyrir kynsjúkdómadeild).
Til að opna snjall- /póstbox: Skannaðu strikamerki í símanum þínum eða sláðu inn númerið (fylgir strikamerkinu) til að opna hólfið.
Gular merkingarnar á gólfi biðstofu vísa leið að snyrtingu.
Einstaklingur tekur sýnin sjálfur á salerni.
Leiðbeiningar um sýnatöku eru á snyrtingu (linkur í leiðbeiningarnar hér).
Öll sýnaglös eru merkt með nafni og kennitölu, auk þess eru stroksýni merkt hvaðan sýnið er tekið (endaþarmur (e), háls (h), leggöng (s)).
Þegar sýni hefur verið tekið er því skilað í bala á snyrtingu.
Mikilvægt er að taka með heim rakningablað sem fylgir sýninu, þar eru leiðbeiningar um niðurstöður, rakningu og fleira. Ef kynsjúkdómur greinist þarf að fylla blaðið vel út og senda í tölvupósti til kyn@landspitali.is, eða með „Signet Transfer“. Hér má nálgast Rakningsblaðið

Niðurstöður rannsókna

Niðurstöður má nálgast í Landspítlaappi (linkur í QR-kóða fyrir Landspítalaapp).
Appið er aðgengilegt á Apple Store og Google Play undir nafninu „Landspítali“.
Innskráning í appið er með rafrænum skilríkjum.
Linkur í leiðbeiningar hvernig opna/skoða má niðurstöður.
Þeir sem ekki eiga rafræn skilríki geta óskað eftir að fá niðurstöður afhentar á deildinni. Send er beiðni í tölvupóst til kyn@landspitali.is. Hægt er að sækja niðurstöður gegn framvísun viðurkenndra skilríkja, í afgreiðslu göngudeildar húð- og kynsjúkdóma á opnunartíma, næsta virka dag eftir að beiðni berst.

Niðurstöðum er hvorki svarað í síma né tölvupósti.

Smitrakning

Samkvæmt sóttvarnalögum ber heilbrigðisstarfsmanni sem greinir og meðhöndlar kynsjúkdóm (s.s. klamydíu, lekanda, sárasótt, HIV, lifrarbólgu B og lifrarbólgu C) að gera smitrakningu til að hefta útbreiðslu smits eins og kostur er. Smitrakning er gerð eitt ár aftur í tímann eða frá þeim tíma sem viðkomandi fór síðast í tékk. Upplýsingar úr smitrakningu eru ekki skráðar í sjúkraskrá og er eytt að lokinni rakningu.

Rakningablað kynsjúkdómadeildar
Örugg gagnasending til göngudeildar húð- og kynsjúkdóma
Sóttvarnarreglur: Reglugerð um sóttvarnaráðstafanir

Meðferð kynsjúkdóma:

Klamydía

Þegar rakningablaðið hefur borist til göngudeildar húð- og kynsjúkdóma sendir læknir deildarinnar leiðbeiningar heilsuveru varðandi meðferð, einkenni, ofnæmi, aðra lyfjanotkun og fleira.
Lyf er því næst sent í apótek einstaklingi að kostnaðarlausu.
Best er að meðhöndla báða einstaklinga í föstu sambandi á sama tíma að undangenginni sýnatöku og smitrakningu.
Ekki má stunda kynlíf á meðan meðferð fer fram og í 3 daga eftir að henni lýkur, samtals 10 daga þar sem einstaklingur getur verið smitandi í þann tíma.
Klamydía fræðslubæklingur

Lekandi

Þeir sem greinast með lekanda eru boðaðir í viðtal og meðferð á göngudeild húð- og kynsjúkdóma.
Þeir afhenda lækni rakningablað.
Allir sem fá meðferð vegna lekanda fá tvær tegundir sýklalyfja, bæði töflur og sprautu.
Þremur vikum eftir meðferð við lekanda þarf að skila nýju sýni (þvagsýni eða stroki).
Ekki má stunda kynlíf frá því grunur vaknar um lekandasmit og þar til niðurstöður úr seinni sýnatöku liggja fyrir.

Sárasótt

Þeir sem greinast með sárasótt eru boðaðir í viðtal og meðferð á göngudeild húð- og kynsjúkdóma.
Þeir afhenda lækni rakningablað.
Algengasta meðferð við sárasótt er í sprautuformi í 1 – 3 skipti.
Meðferð við sárasótt er fylgt eftir með þremur blóðprufum 3, 6 og 12 mánuðum eftir meðferð.

HIV

Þeir sem greinast með HIV eru boðaðir í viðtal og meðferð hjá lækni á göngudeild smitsjúkdóma, deild A3 í Fossvogi.

PrEP-meðferð (fyrirbyggjandi meðferð fyrir útsetningu HIV)

Fyrsta koma

Fyrsta koma vegna fyrirhugaðrar PrEP meðferðar er hjá hjúkrunarfræðingi á göngudeild smitsjúkdóma, A3 í Fossvogi. Gert áhættumat fyrir HIV, gefin fræðsla og skimað fyrir kynsjúkdómum.

Hjúkrunarfræðingur bókar í kjölfarið tíma hjá smitsjúkdómalækni á A3.
Tímapöntun er í síma 543-6040.

Önnur koma

Önnur koma er hjá smitsjúkdómalækni á göngudeild smitsjúkdóma, A3 í Fossvogi.
Smitsjúkdómalæknir endurnýjar lyfseðla fyrir PrEP-meðferð.

Eftirfylgni

Endurkoma er á 12 vikna fresti á göngudeild húð- og kynsjúkdóma, A1 í Fossvogi.
Tímapöntun er í síma 543-6050.

Bókað er í „PrEP – tékk“.
Leiðbeiningar um sýnatöku eru á snyrtingu.
Sýnum er skilað í bláa skápinn á snyrtingunni.
Blóðprufur eru teknar á E1 í Fossvogi. Sjá kort (linkur í kort).
Blóðrannsóknir sem algengast er að gera eru HIV, sárasótt, lifrabólga b, lifrabólga c og kreatinin.
Sms-skilaboð með strikamerki berst í skráðan síma þegar búið er að senda blóðprufubeiðni og sýnatökusett er tilbúið í snjall- /póstboxi á deildinni. Strikamerkið gildir í 24 klst. á opnunartíma deildar (strikamerki sem berst á föstudegi gildir bara þann dag).
Skoðið vel um komu á kynsjúkómadeild í kafla hér fyrir ofan (Komur á kynsjúkdómadeild)